පරිගණක වර්ග

ඔබේ පරිගණය පිළිබඳ හදාරන්න

• පරිගණකය හැඳින්වීම
• පරිගණකයක කොටස්
• ඔබේ mouse භාවිතය
• ඔබේ keyboard භාවිතය
• ඔබේ පරිගණකය නිසි ලෙස නිවා දැමීම(shutdown)

පරිගණකය හැඳින්වීම

මෙම ලිපියෙහි

• පරිගණක යනු කුමක් ද?
• පරිගණක වර්ග
• පරිගණක සමගින් ඔබට කළ හැක්කේ කුමක් ද?

ඔබ පරිගණක භාවිතයට නවකයෙක් ද? පරිගණකයෙන් සිදු කෙරෙන දෑ පිළිබඳව ඔබ මවිතයට පත්ව සිටින්නේ ද එවැන්නක් භාවිත කිරීමට අවශය කුමක් නිසාදැයි ඔබ සිතමින් පසුවන්නේ ද? ඔබ නිවැරදි තැනට පැමිණ ඇත. පරිගණක පිළිබඳ උපරිදැක්මක් මෙම ලිපියෙන් සපයයි: පරිගණක යනු කුමක් ද, විවිධ පරිගණක වර්ග, සහ පරිගණක භාවිතයෙන් ඔබට කුමක් කළ හැකි ද.

පරිගණක යනු කුමක් ද?

පරිගණක යනු software හෝ commands පද්ධතියකට අනුව කාර්යයන් හෝ ගණනය කිරීම් සිදු කරන යන්ත‍රයයි. පූර්ණ ඉලෙක්ටොනික පරිගණක පළමු වරට හඳුන්වාදෙනු ලැබුයේ 1940 දශකයේදීය, විශාල යන්තර වූ එම පරිගණක ක්‍රියාත්මක කිරීම සඳහා පුද්ගලයින් සමූහයක් අවශ්‍ය විය. එම පැරණි යන්ත්‍ර සමග සසඳන විට, වත්මන් පරිගණක මවිත කරවන සුලුය. එම පරිගණක පෙර පරිගණකයන්ට වඩා දහස් වාරයකින් වේගවත් වූවා පමණක් නොව, ඔබේ මේසය මත, ඔබේ උකුල මත, තබා ගැනීමට පමණක් නොව ඔබේ සාක්කුවෙහි රඳවා ගැනීමට වුව ද හැකියාව ලැබී ඇත.

දෘඪාංග(hardware) සහ මෘදුකාංගවල(software) අන්‍යෝන්‍ය ක්‍රියාකාරිත්වය මත පරිගණක ක්‍රියාත්මක වෙයි. පරිගණකයක ආවරණය සහ ඒ තුළ ඇති සියලු දෑ ඇතුළත්ව ඔබට පෙනෙන සහ ස්පර්ශ කළ හැකි කොටස් දෘඪාංග(hardware) නමින් හැඳින්වෙයි. දෘඪාංගයෙහි වැදගත්ම කොටස වන්නේ මධ්‍යම සැකසුම් ඒකකය (CPU), හෝ අණුසකසුව(processor) නමින් හැඳින්වෙන ඔබේ පරිගණකයෙහි ඇති කුඩා ඍජුකොණාස්‍රාකාර පසුරයි. එය ඔබේ පරිණකයෙහි ඇති "මොළය"යි—එය උපදෙස් පරිවර්තනය කරන සහ ගණනය කිරීම් සිදු කරන කොටසයි. මොනිටරය(monitor), යතුරුපුවරුව(keyboard), මූසිකය(mouse), මුද්‍රකය(printer), සහ වෙනත් සංරචක(devices) වැනි දෘඪාංග අයිතම දෘඪාංග උපාංග, හෝ උපාංග නමින් හැඳින්වෙයි.

මෘදුකාංග(software) යනු දෘඪාංග කළ යුතු දෑ පිළිබඳ උපදෙස්, හෝ ක්‍රමලේඛයි. ඔබේ පරිගණකයෙහි ලිපි ලිවීමට ඔබට භාවිත කළ හැකි වදන් සැකසුම් ක්‍රමලේඛයක්(microsoft word) මෘදුකාංග වර්ගයක් වෙයි. මෙහෙයුම් පද්ධතිය -opareting system(OS) යනු ඔබේ පරිගණකය සහ එයට සම්බන්ධිත උපාංග කළමනාකරණය කරන මෘදුකාංගයි. හොඳින්-හඳුනන මෙහෙයුම් පද්ධති දෙකක් වන්නේ Windows සහ Mac OSය. ඔබේ පරිගණකය Windows මෙහෙයුම් පද්ධතිය භාවිත කරයි.

	ENIAC
	1946 දී හඳුන්වා දුන්, ENIAC (Electronic Numerical Integrator and Computer-විද්‍යුත් සංඛ්‍යාත්මක අනුකලනකය සහ පරිගණකය) පොදු භාවිතය සඳහා නිපදවූ පළමු විද්‍යුත් පරිගණකයයි. කාලතුවක්කු වෙඩි උණ්ඩ ගනු ලබන පෙත් ගණනය කිරීම සඳහා එක්සත් ජනපද යුද හමුදාව වෙනුවෙන් ඒවා නිපදවනු ලැබීය. ස්වභාවයෙන්, කිලෝග්‍රෑම් 27,000කට (රාත්තල් 60,000කට) වඩා වැඩි බරකින් යුත් විශාල ඉඩක් අවශ්‍ය වන ENIAC ප්‍රමාණයෙන් අතිවිශාල වූවකි. දත්ත සැකසීම සඳහා, කුඩා විදුලි බුබුළක ප්‍රමාණයේ රික්තක නාල 18,000ක් පමණ ENIAC භාවිත කරනු ලැබීය. නාල ඉක්මනින් පිළිස්සීයන නිසා ඒවා නිරන්තරයෙන්ම ආදේශ කිරීමට සිදු විය.

පරිගණක වර්ග

ප්‍රමාණයෙන් සහ හැකියාවෙන් වෙනස් වූ පරාස පරිගණක සතුය. පරිමාණයේ එක් කෙළවරක සංකීර්ණත්වයෙන් වැඩි ගණනය කිරීම් සිදු කරන සබැඳුණු අණුසකසු(processors) දහස් ගණනකින් සමන්විත සුපිරි පරිගණක, ලෙස හැඳින්වෙන ඉතා විශාල පරිගණක පවතී. අනෙත් කෙළවරෙහි කාර්, රූපවාහිනී, ස්ටීරියෝ පද්ධති, කැල්ක්‍යුලේ‍ටර, සහ උපකරණ තුළට කාවද්දා ඇති ඉතා කුඩා පරිගණක වෙයි. මෙම පරිගණක නිපදවා ඇත්තේ සීමිත කාර්යයන් සිදු කිරීම සඳහාය.

පෞද්ගලික පරිගණකය, හෝ PC, එක් වරකට එක් පුද්ගලයකුට පමණක් භාවිත කිරීමට හැකිවන සේ සැලසුම් කර ඇත. මෙම අංශය මගින් විවිධ පෞද්ගලික පරිගණක වර්ග පිළිබඳ විස්තර කරයි: ඩෙස්ක්ටොප්-desktop, ලැප්ටොප්-laptop, අත් රැඳි පරිගණක-palmtop, සහ තල පරිගණක.

ඩෙස්ක්ටොප් පරිගණක(desktop computer)

ඩෙස්ක්ටොප් පරිගණක මේසයක් හෝ ඩෙස්කයක් මත භාවිත කිරීමට හැකිවන සේ සැලසුම් කර ඇත. සාමාන්‍යයෙන් ඒවා වෙනත් පෞද්ගලික පරිගණකවලට වඩා විශාලත්වයෙන් සහ බලවත්කමින් වැඩිය. වෙන් වෙන් වශයෙන් පවතින සංරචකවලින් ඩෙස්ක්ටොප් පරිගණක සෑදී ඇත. එහි මූලික සංරචකය, පද්ධති ඒකකය(system unit) නමින් හැඳින්වෙන අතර, සාමාන්‍යයෙන් එය මේසයක් යට හෝ මත හෝ තබන ඍජුකෝණාස්‍රාකාර ආවරණයක් සහිත වූවකි. මොනිටරය-monitor, මූසිකය-mouse, සහ යතුරුපුවරුව-keyboard වැනි වෙනත් සංරචක-device, පද්ධති ඒකකයට සම්බන්ධ කර ඇත.

ලැප්ටොප් පරිගණක(laptop computer)

ලැප්ටොප් පරිගණක යනු සිහින් තිරයක් සහිත බරින් අඩු ජංගම පරිගණකයකි. ඒවා ප්‍රමාණයෙන් කුඩාවීම නිසා නෝට්බුක් පරිගණක ලෙස හඳුන්වයි. ලැප්ටොප් පරිගණක බැටරි මගින් ද ක්‍රියාත්මක කළ හැකිය, එම නිසා ඒවා ඕනෑම ස්ථානයකට ගෙනයා හැකිය. ඩෙස්ක්ටොප් පරිගණක මෙන් නොව, ලැප්ටොප් පරිගණක CPU, තිරය, සහ යතුරුපුවරුව එකට සම්බන්ධ කර ඇත. භාවිත නොකරන විට තිරය යතුරු පුවරුව මතට හකුළා තබයි.

අත් රැඳි පරිගණක(palmtop)

අත් රැඳි පරිගණක, පෞද්ගලික අංකිත සහයක (PDAs) ලෙසද හඳුන්වයි, ඒවා බැටරිවලින්-බලගැන්වූ පරිගණක වන අතර ඕනෑම ස්ථානයක ගෙන යාමට තරම් ප්‍රමාණයෙන් කුඩා වෙයි. අත් රැඳි පරිගණක ඩෙස්ක්ටොප් පරිගණක හෝ ලැප්ටොප් පරිගණක මෙන් වේගවත් නොවුව ද, ලිපින සහ දුරකථන අංක ගබඩා කිරීමෙන් හමුවීම් කාර්ය සටහන් කිරීමට සහ ක්‍රීඩාවල නියැලීමට ප්‍රයෝජනවත් වේ. සමහර පරිගණක තුළ දුරකථනයෙන් ඇමතීම හෝ අන්තර්ජාලයට පිවිසීම හෝ වැනි වඩාත් වැඩිදියුණු කළ ශක්‍යතා පවතියි. අත් රැඳි පරිගණකවල යතුරුපුවරු වෙනුවට ඔබේ ඇඟිල්ල හෝ ඵලක පෑන (පෑනක-හැඩයෙන් යුත් යොමුකිරීමේ මෙවලමක්) සමග භාවිත කරන ස්පර්ශක තිර පවතී.

අත් රැඳි පරිගණක

තල පරිගණක

තල පරිගණක යනු අත් රැඳි පරිගණක සහ ලැප්ටොප් පරිගණක ගුණාංග සංයුක්ත වූවකි. ලැප්ටොප් පරිගණකයන්හි මෙන් බලවත්වන අතර එයට ආවේණික වූ තිර පවතී. අත් රැඳි පරිගණකයන්හි මෙන් එහිදීද, ඵලක පෑනක් වෙනුවට සාමාන්‍යයෙන් තල පෑනක් මගින් තිරයෙහි සටහන් ලිවීමට හෝ පින්තූර ඇඳීමට ඉඩ සලසයි. එසේම ඔබේ අත්අකුරු ටයිප් කළ පෙළකට හැරවීමට ද ඊට හැකිය. සමහර තල පරිගණකයන්හි පහත පවතින යතුරු පුවරුව දිස් වෙන සේ කරකැවී දිගහැරෙන තිර සහිත “වෙනස් කළ හැකි” ඒවා ද වෙයි.

තල පරිගණක

පරිගණක සමගින් ඔබට කළ හැක්කේ කුමක් ද?

රාජකාරි ස්ථානයක වාර්තා තබා ගැනීමට, දත්ත විශ්ලේෂණයට, සමීක්ෂණ සිදු කිරීමට, සහ ව්‍යාපෘති කළමනාකරණයට බොහෝ පුද්ගලයන් පරිගණක භාවිත කරති. තොරතුරු සෙවීම, පින්තූර සහ සංගීත ගබඩා කිරීම, මූල්‍ය තොරතුරු සොයා ගැනීම, ක්‍රීඩාවන්හි නියැලීම, සහ අන් අය සමග සන්නිවේදනය කිරීම යනාදිය පරිගණක භාවිතයෙන් නිවසේදී සිදු කළ හැකිය, — ඒවා කළ හැකි කාර්යයන් අතරින් කිහිපයක් පමණි.

ලෝකය පුරා පවතින පරිගණක සම්බන්ධ කරන ජාලයක් වන, අන්තර්ජාලයට-.internet සම්බන්ධවීමට ද ඔබට පරිගණකය භාවිත කළ හැකිය. බොහෝ නාගරික ප්‍රදේශවල සුලබ ලෙස ද ජනගහනය අඩු ප්‍රදේශවල යම් තාක් දුරකට ද අන්තර්ජාල පිවිසුම මාසික ගාස්තුවක් යටතේ ලබාගත හැකිය. අන්තර්ජාල පිවිසුම ඔස්සේ, ලෝකය පුරා සිටින පුද්ගලයන් සමග සන්නිවේදනය කළ හැකි අතර තොරතුරු විශාල ප්‍රමාණයක් ද සොයා ගැනීමට ද අවස්ථාව සැලසේ.

පරිගණක මගින් සුලබව සිදු කරන දෑ අතරින් කිහිපයක් මෙසේය:

වෙබය - WWW

විශ්ව විසිරි වියමන world widw web(සාමාන්‍යයෙන් ද වෙබ්, හෝ වෙබය ලෙස හඳුන්වයි) යනු තොරතුරුවලින් පිරුණු දැවැන්ත ගබඩාවකි. අන්තර්ජාලයෙහි වඩාත් ප්‍රචලිත කොටස වෙබයයි, එයට එක් හේතුවක් වන්නේ, එමගින් ආකාර්ශනීය වූ දෘශ්‍යමය ආකෘතියක් ලෙස තොරතුරු දැක්වීමයි. සිරස්තල, පෙළ, සහ පින්තූර තනි වෙබ් පිටුවකට සංයුක්ත කළ හැකිය—එය බොහෝ දුරට සඟරාවක ඇති පිටුවකට සමාන වෙයි—එයට ශබ්ද සහ සජීවීකරණ ද ඇතුළත්ය. ‍වෙබ් අඩවියක් යනු එකිනෙකට සම්බන්ධිත වෙබ් පිටුවල එකතුවකි. වෙබයට වෙබ් අඩවි මිලියන ගණනක් සහ වෙබ් පිටු බිලියන ගණනක් අඩංගු වෙයි.

වෙබයෙහි සැරිසැරීම යනු එය ගවේෂණය කිරීමයි. සිතිය හැකි ඕනෑම මාතෘකාවක් පිළිබඳ ඔබට වෙබයෙන් තොරතුරු සොයාගත හැකිය. නිදසුනක් ලෙස, පුවත් විත්ති සහ සල රූ සමාලෝචන කියවීම, ගුවන් ගමන් කාල සටහන් පරීක්ෂා කිරීම, මාර්ග සිතියම් බැලීම, ඔබේ නගරය සඳහා වන කාලගුණ අනාවැකි ලබා ගැනීම, හෝ සෞඛ්‍ය තත්වය විමර්ශනය කිරීම සිදු කළ හැකිය. බොහෝ ආයතන, රාජ්‍ය නියෝජිත ආයතන, කෞතුකාගාර, සහ පුස්තකාල ආදියෙහි ඒවායෙහි නිෂ්පාදන, සේවා, හෝ එකතු පිළිබඳ තොරතුරු සහිත වෙබ් අඩවි පවතී. ශබ්දකෝෂ සහ විශ්වකෝෂ වැනි, ආශ්‍රිත මූලාශ්‍ර ද, පවතී.

වෙබය සාප්පු සවාරි යන්නන්ට සතුට ගෙන දෙන්නකි. ඔබට නිෂ්පාදන—එනම් පොත්, සංගීත, සෙල්ලම් බඩු, ඇඳුම්, විද්‍යුත් භාණ්ඩ, සහ තවත් දේ—ප්‍රධාන විකුණුම්කරුවන්ගේ වෙබ් අඩවි පිරික්සා මිලදී ගත හැකිය. එසේම වෙන්දේසි-ක්‍රමයට ඉල්ලීම් කළ හැකි වෙබ් අඩවි මගින් ද භාවිත කළ අයිතම මිලදී ගැනීම සහ විකිණීම ඔබට සිදු කළ හැකිය.

අන්තර්ජාලය සහ වෙබය ගවේෂණය කිරීම පිළිබඳ වැඩි තොරතුරු සඳහා, අන්තර්ජාලය ගවේශනය කිරීම බලන්න.

ඉ‑තැපෑල(e-mail)

ඉ‑තැපෑල (ඉලෙක්ට්‍රොනික තැපෑල යන්නට කෙටි යෙදුමකි) යනු අන්‍යයන් සමග සන්නිවේදනය කළ හැකි පහසු ක්‍රමයකි. ඉ‑තැපැල් පණිවිඩයක් යවන විට, එය ක්ෂණිකවම ලාභියාගේ ඉ‑තැපැල් එනලිපි වෙත ළඟා වෙයි. ඔබට එකවර පුද්ගලයන් බොහෝ පිරිසකට ඉ‑තැපැල් යැවීම, සහ ඉ‑තැපැල් සුරැකීම, මුද්‍රණය කිරීම, සහ අන්‍යයන්ට ඉදිරිපත් කිරීම සිදු කළ හැකිය. ඔබට ලේඛ, පින්තූර, සහ සංගීත ගොනු ඇතුළත්ව ඕනෑම ගොනු වර්ගයක් ඉ‑තැපැල් පණිවිඩයක යැවිය හැකිය. එසේම ඉ‑තැපැල් සමග, ඔබට මුද්දරයක් අවශ්‍ය නොවේ! ඉ‑තැපෑල ඇරඹීම බලන්න.

ක්ෂණික පණිවුඩකරණය(chatting)

ක්ෂණික පණිවුඩකරණය යනු වෙනත් පුද්ගලයකු හෝ පුද්ගල කණ්ඩායමක් සමග සජීවී පිළිසඳරක යෙදීම වැන්නකි. ඔබ ක්ෂණික පණිවිඩයක් ටයිප්කර යැවූ විට, පණිවිඩය ඒ විගසම සියලු ලාභීන්ට දෘශ්‍යමාන වෙයි. ඉ‑තැපැල්, මෙන් නොව මේ සඳහා සියලු ලාභීන්ට එකම වේලාවේ සබැඳිව (අන්තර්ජාලයට සම්බන්ධව) ඔවුන්ගේ පරිගණක ඉදිරියෙහි සිටීමට සිදු වෙයි. ක්ෂණික පණිවුඩකරණය මගින් සන්නිවේදනයෙහි යෙදීම කතාබස් කිරීම(චැටින්) ලෙස හැඳින්වේ.

පින්තූර(pictures), සංගීත(Music), සහ සලරූ(Video)

ඔබට ඩිජිටල් කැමරාවක් තිබේ නම්, කැමරාවෙන් පරිගණකයට ඔබේ පින්තූර ගෙනයා හැකිය. අනතුරුව ඒවා මුද්‍රණය කිරීමට, විනිවිදක දැක්ම තැනීමට, හෝ ඉ‑තැපැල් හෝ වෙබ් අඩවියට පළ කිරීම මගින් ඒවා අන් අය සමග හවුල් කිරීමට හැකිය. (පින්තූර සමගින් ඔබට කළ හැකි තවත් දේ හැදෑරීමට, අංකිත(usb) පින්තූර සමග වැඩ කිරීම බලන්න.) එසේම ඔබට ශ්‍රව්‍ය CDවලින් සංගීතය ආයාත කිරීම (ඔබේ පරිගණකයට මාරුකිරීම) මගින් හෝ සංගීත වෙබ් අඩයවියකින් ගීත මිලදී ගැනීම මගින් හෝ අන්තර්ජාල හරහා විකාශය වන ගුවන් විදුලි දහස් ගණන් අතරින් එකකට සුසර(tune) කිරීම මගින් හෝ පරිගණකයෙන් සංගීතයට සවන් දීමට ඔබට හැකිය. ඔබේ පරිගණකයට DVD ධාවකයක් තිබේ නම්, සලරූ නැරඹීමට ද පුළුවන.

Games

ඔබ ක්‍රීඩාවල(games)යෙදීමට කැමති ද? ඔබට විනෝදාස්වාදය ලබා දීමට සමත් සිතිය හැකි ඕනෑම ආකාරයක ප්‍රවර්ගයන්ට අයත් පරිගණක ක්‍රීඩා දහස් ගණනක් ඇත. රේසිං කාරයක සුක්කානම පැදවීමට, බිය ජනක සතෙකු සමග ඇඳිරි ගෙයක් තුළ සටන් කිරීමට, ශිෂ්ටාචාරයන් සහ අධිරාජ්‍යන් පාලනය කිරීමට මෙම ක්‍රීඩා මගින් කළ හැකිය. අන්තර්ජාලය හරහා ලෝකය පුරා සිටින පුද්ගලයන් හා තරග වැදීමට ද බොහෝ ක්‍රීඩා ඉඩ සලසයි. Windows හි විවිධ කාඩ් ක්‍රීඩා, ප්‍රෙහේලිකා ක්‍රීඩා, ක්‍රමෝපායිත ක්‍රීඩා ඇතුළත්ය ( Windows ක්‍රීඩා පිළිබඳ හැදැරීම පිළිබඳ හදාරන්න බලන්න).

 

පරිගණකයක කොටස්

මෙම ලිපියෙහි
• පද්ධති ඒකකය
• ගබඩා කිරීම
• මූසිකය
• යතුරුපුවරුව
• මොනිටරය
• මුද්‍රකය
• ස්පීකර
• මොඩම
ඔබ වැඩතල පරිගණකයක් භාවිත කරන්නේ නම්, "පරිගණකය" නමින් හැඳින්වෙන කිසිඳු තනි කොටසක් නොමැති බව ඔබ දැනටමත් දැනගෙන සිටිනවා විය හැකිය. පරිගණකයක් යනු එක්ව ක්‍රියාකරන කොටස් බොහෝ ගණනකින් සමන්විත පද්ධතියකි. ඔබට බැලීමට සහ ස්පර්ශ කිරීමට හැකි, භෞතික කොටස්, සාමුහිකව දෘඪාංග නමින් හඳුන්වයි. (අනෙත් අතට මෘදුකාංග යනු, දෘඪාංග විසින් කළ යුතු දෑ පිළිබඳ උපදෙස් දෙන, හෝ සපයන ක්‍රමලේඛයි.)
පහත දැක්වෙන රූප සටහන මගින් වැඩතල පරිගණක පද්ධතියක ඇති පොදු දෘඪාංග පෙන්වයි. ඔබේ පද්ධතිය තරමක් වෙනස්ව පෙනුන ද, එහි ද මෙම කොටස් සියල්ලම පාහේ පැවතිය හැකිය. ලැප්ටොප් පරිගණකයකටද ඒ හා සමාන කොටස් තිබුණද ඒවා තනි සටහන්-පොතක ප්‍රමාණයේ පැකේජයකට සංයුක්තකර ඇත.

desktop pc පද්ධතිය
මෙම එක් එක් කොටස් පිළිබඳ සොයා බලමු.

පද්ධති ඒකකය-system unit

පද්ධති ඒකකය යනු පරිගණක පද්ධතියක හරයයි. සාමාන්‍යයෙන් එය ඔබේ මේසය මත හෝ මේසය යට තබන ඍජුකෝණාස්‍රාකාර පෙට්ටියකි. මෙම පෙට්ටිය තුළ තොරතුරු සකසන බොහෝ විද්‍යුත් සංරචක පවතී. මෙම සංරචක අතරින් වඩා වැදගත් වන්නේ ඔබේ පරිගණකයෙහි "මොළය" ලෙස ක්‍රියා කරන මධ්‍යම සැකසුම් ඒකකය (CPU), හෝ අණුසකසුව යන සංරචකයයි. අනෙත් සංරචකය නම් පරිගණකය සක්‍රීයව පවතින විට CPU විසින් භාවිත කරන තොරතුරු තාවකාලිකව ගබඩා කරන සසම්භාවී ප්‍රවේශ මතකය (RAM)යි. පරිගණකය නිමා දැමූ විට RAM හි ගබඩාකර තිබූ තොරතුරු මැකෙයි.

ඔබේ පරිගණකයෙහි සියලුම කොටස් පාහේ රැහැන් භාවිතයෙන් පද්ධති ඒකකයට සම්බන්ධවී ඇත. පද්ධති ඒකකයෙහි පසුපස ඇති, නිශ්චිත තොටවලට (විවෘත කිරීම්) රැහැන් සම්බන්ධකර ඇත. පද්ධති ඒකකයෙහි කොටසක් නොවන දෘඪාංග සමහර අවස්ථාවන්හි පර්යන්ත උපාංගයක් හෝ උපාංගයක් නමින් හැඳින්වෙයි.

පද්ධති ඒකකය

ගබඩා කිරීම(storage)

ඔබේ පරිගණකයට තැටි ධාවක එකක් හෝ වැඩි ගණනක් පවතී—තැටි ධාවක යනු ලෝහ හෝ ප්ලාස්ටික් තැටියක තොරතුරු ගබඩා කරන උපාංගයි. ඔබේ පරිගණකය නිවා දැමූ විට පවා තැටි මගින් තොරතුරු සංරක්ෂණය කෙරෙයි.

දෘඪ තැටි ධාවකය(hard disk drive)

ඔබේ පරිගණකයෙහි දෘඪ තැටි ධාවකය විසින් චුම්භක මතුපිටක් සහිත තද තැටියක් හෝ තැටි ගොඩකින් සමන්විත, දෘඪ තැටියකට තොරතුරු ගබඩා කරයි. දෘඪ තැටිවලට තොරතුරු විශාල ප්‍රමාණයක් ධාරණය කරගත හැකි නිසා, ඔබේ ක්‍රමලේඛ සහ ගොනු සියල්ලම පාහේ ධාරණයකර ගන්නා, ඔබේ පරිගණකයෙහි ඇති ගබඩා කිරීමේ මූලිකම ක්‍රමය ලෙස සාමාන්‍යයෙන් ඒවා සැළකෙයි. දෘඪ තැටි ධාවකය සාමාන්‍යයෙන් පද්ධති ඒකකය තුළ පිහිටා ඇත.



දෘඪ තැටි ධාවකය

CD සහ DVD ධාවක

වර්තමානයෙහි පවතින පරිගණක සියල්ලම පාහේ සාමාන්‍යයෙන් පද්ධති ඒකකය ඉදිරිපස පිහිටා ඇති CD හෝ DVD ධාවකයක් සහිතව ලැබෙයි. CD මගින් දත්ත කියවීමට (ලබා ගැනීමට) CD ධාවක විසින් ලේසර් භාවිත කරයි, එසේම බොහෝ CD ධාවකහට CDහට දත්ත ලිවීමටද (පටිගත කිරීමටද) හැකිය. පටිගත කළ හැකි තැටි ධාවකයක් ඔබට පවතී නම්, ඔබේ ගොනුවල පිටපත් හිස් CDවල ගබඩා කළ හැකිය. ඔබේ පරිගණකයෙහි සංගීත CD ධාවනය කිරීමටද CD ධාවකයක් භාවිත කළ හැකිය.



CD

CD ධාවකවලට කළ හැකි සියලු දේද, DVD කියවීමද DVD ධාවකවලට කළ හැකිය. ඔබට DVD ධාවකයක් පවතී නම්, ඔබේ පරිගණකයෙන් සලරූ නැරඹිය හැකිය. බොහෝ DVD ධාවකවලට හිස් DVDවලට දත්ත පටිගත කළ හැකිය.

ඉඟිය

• පටිගත කළ හැකි CD හෝ DVD ධාවකයක් ඔබට පවතී නම්, විටින් විට CD හෝ DVD හට වැදගත් ගොනු රක්ෂිත (පිටපත්) කරන්න. ඒ ආකාරයෙන්, යම් විටක ඔබේ දෘඪ තැටිය අසාර්ථක වුවහොත්, ඔබේ දත්ත අහිමි නොවනු ඇත.

නම්‍ය තැටි ධාවකය(floppy disk drive)

නම්‍ය තැටි ධාවක විසින් නම්‍ය තැටිවල තොරතුරු ගබඩා කරයි, නම්‍ය තැටි ෆ්ලොපි හෝ ඩිස්කට් ලෙසද හඳුන්වයි. CD සහ DVD සමග සසඳන විට, නම්‍ය තැටිහට ගබඩා කළ හැක්කේ දත්ත සුළු ප්‍රමාණයකි. එසේම ඒවා තොරතුරු ලබා ගන්නේ ඉතා සෙමින් වන අතර ඒවාට හානි වීමටද වැඩි ඉඩක් පවතී. මෙම හේතු නිසා, සමහර පරිගණකවල තවමත් නම්‍ය තැටි ධාවක ඇතුළත් වුවත්, නම්‍ය තැටි ධාවක භාවිතය සුලබ නොවේ.



නම්‍ය තැටිය

නම්‍ය තැටි "නම්‍ය" වන්නේ ඇයි? ඝන ප්ලාස්ටික්වලින් එහි පිටත සෑදී තිබුණද, ඒ කොපුව පමණි. තැටියෙහි ඇතුළත සිහින්, නම්‍යශීලී විනයිල් ද්‍රව්‍යයයෙන් සෑදී ඇත.

මූසිකය(mouse)

මුසිකය යනු පරිගණක තිරයෙහි ඇති අයිතමයන්ට යොමුවීමට සහ ඒවා තේරීමට භාවිත කරන කුඩා උපාංගයකි. මුසික විවිධ හැඩයන්ගෙන් යුක්ත වුවද, සාමාන්‍ය මුසිකය දැකිය හැකි වනුයේ නියම මීයෙකුහට සමාන ලෙසය. එය කුඩා, දිගටි වන අතර, වලිගයක් සේ පෙනෙන දිගු රැහැනකින් පද්ධති ඒකකයට සම්බන්ධවී ඇත. සමහරක් අලුත් මුසික රැහැන් රහිතය.



මූසිකය

සාමාන්‍යයෙන් මුසිකයකට බොත්තම් දෙකක් ඇත: ප්‍රාථමික බොත්තම (සාමාන්‍යයෙන් වම් බොත්තම) සහ ද්විතීයික බොත්තම. බොහෝ මුසිකවල බොත්තම් දෙක අතර රෝදයක් ඇත, එමගින් තොරතුරු සහිත තිරයෙහි පහසුවෙන් අනුචලනයවීමට ඔබට ඉඩ සලසයි.

මූසික දර්ශක

ඔබේ අතින් මුසිකය ගෙනයන විට, එම දිශාවටම දර්ශකයක් තිරයෙහි චලනය වෙයි. (තිරයෙහි දර්ශකය තිබෙන තැන අනුව එහි පෙනුම වෙනස් විය හැකිය.) ඔබට අයිතමයක් තෝරා ගැනීමට අවශ්‍යවූ විට, අයිතමයට යොමු කර ඉන්පසු ප්‍රාථමික බොත්තම ක්ලික් කරන්න (ඔබා අත හරින්න). ඔබේ පරිගණකය සමග සම්බන්ධවීමට ඇති ප්‍රධානම මාර්ගය වන්නේ ඔබේ මුසිකයෙන් එයට යොමු කර ක්ලික් කිරීමයි. වැඩි තොරතුරු සඳහා, ඔබේ මූසිකය භාවිතය බලන්න.

යතුරුපුවරුව(keyboard)

යතුරුපුවරුව මූලික වශයෙන්ම භාවිත කරනුයේ ඔබේ පරිගණකයෙහි පෙළක් ටයිප් කිරීමටයි. යතුරු ලියනයක ඇති යතුරුපුවරුව මෙන්, එහි අකුරු සහ ඉලක්කම් සඳහා යතුරු පවතියි, නමුත් එහි විශේෂිත යතුරුද ඇත:

• ක්‍රියාදාම යතුරු-control keys, ඉහළම පේළියෙහි හමු වේ, භාවිත කරන ස්ථානය මත පදනම්ව ඒවා විවිධ ක්‍රියාදාම සිදු කරයි.
• සංඛ්‍යා යතුරුපෑඩය-numeric keys, බොහෝ යතුරු පුවරුවල දකුණු පසින් පිහිටා ඇත, ඒ මගින් ඉලක්කම් කඩිනමින් ඇතුල් කිරීමට ඉඩ දෙයි.
• ඊතල යතුරු වැනි, මං සෙවුම් යතුරු-navigation keys , ලේඛයක හෝ වෙබ් පිටුවක ඔබ සිටින තැනින් එහා මෙහා යාමට ඉඩ දෙයි.



යතුරුපුවරුව

ඔබට මුසිකයකින් සිදු කළ හැකි බොහෝ කාර්යයන් සිදු කිරීමට, යතුරුපුවරුව භාවිත කළ හැකිය. වැඩි තොරතුරු සඳහා, ඔබේ යතුරුපුවරුව භාවිතය බලන්න.

මොනිටරය(monitor)

පෙළ සහ චිත්‍රණ භාවිතයෙන් මොනිටරය විසින් දෘශ්‍යමය ආකාරයට තොරතුරු දක්වයි. මොනිටරයෙහි තොරතුරු දක්වන කොටස තිරය ලෙස හඳුන්වයි. රූපවාහිනී තිරයක් මෙන්, පරිගණක තිරයකට නිශ්චල හෝ චංචල පින්තූර පෙන්විය හැකිය.

ප්‍රධාන මොනිටර වර්ග දෙකක් ඇත: ඒවා නම් CRT (කැතෝඩ් කිරණ නාලය) මොනිටර සහ LCD (ද්‍රව ස්ඵටික දැක්වුම) මොනිටරයි. මෙම දෙවර්ගයම සියුම් අනුරූ නිපදවයි, නමුත් LCD මොනිටරවලට වඩාත් සියුම් සහ ආලෝකමත් අනුරූ නිපදවීමේ වාසිය ඇත.කෙසේ වුවද, CRT මොනිටර, වඩාත් මිල අඩුය.



LCD මොනිටරය (වම් පසින්); CRT මොනිටරය (දකුණු පසින්)


මුද්‍රකය(printer)

මුද්‍රකයක් විසින් දත්ත පරිගණකයක සිට කඩදාසියකට යවයි. පරිගණකය භාවිතයට මුද්‍රකයක් අවශ්‍ය නොවුනද, මුද්‍රකයක් තිබීමෙන් ඔබට ‑ඉ-තැපැල්, පත්, ආරාධනා, නිවේදන, සහ අනෙකුත් ද්‍රව්‍ය මුද්‍රණය කිරීමට ඉඩ දෙයි. බොහෝ පුද්ගලයින් තම පින්තූර නිවසේදීම මුද්‍රණයකර ගැනීමට රුචි කරති.

ප්‍රධාන මුද්‍රක වර්ග දෙක නම් ඉන්ක්ජෙට් මුද්‍රක - inkjet printersසහ ලේසර් මුද්‍රකයි-laser printers. ඉන්ක්ජෙට් මුද්‍රක නිවෙස් සඳහා වැඩි වශයෙන් භාවිත කෙරේ. ඒවාට කලු සුදු ලෙස හෝ සම්පූර්ණ වර්ණයෙන් හෝ සහ විශේෂිත කඩදාසි සමග භාවිත කරන විට උසස්-ප්‍රමිතියෙන් යුත් පින්තූර නිපදවිය හැකිය. ලේසර් මුද්‍රක වේගවත් වන අතර සාමාන්‍යයෙන් රළු භාවිතයට වඩාත් සුදුසුය.



ඉන්ක්ජෙට් මුද්‍රකය (වම් පසින්); ලේසර් මුද්‍රකය (දකුණු පසින්)

ස්පීකර(speakers)

ශබ්ද ධාවනය කිරීමට ස්පීකර භාවිත කෙරේ. ඒවා පද්ධති ඒකකය තුළ තනා තිබීමට හෝ රැහැන්වලින් සම්බන්ධකර තිබීමට හෝ ඉඩ ඇත. ඔබේ පරිගණකයෙන් සංගීතයට සවන් දීමට සහ ශබ්ද ප්‍රයෝග ඇසීමට ස්පීකර මගින් ඉඩ ලබා දෙයි.

පරිගණක ස්පීකර

මොඩම(modem)

ඔබේ පරිගණකය අන්තර්ජාලයට සම්බන්ධ කිරීමට, ඔබට මොඩමක් අවශ්‍ය වෙයි. මොඩමක් යනු දුරකථන මාර්ගයකින් හෝ අධි-වේග රැහැනක් හෝ හරහා පරිගණක තොරතුරු යවන සහ ලබන උපාංගයකි. සමහර අවස්ථාවන්හි මොඩම පද්ධති ඒකකය තුළ තනා තිබුණද, සාමාන්‍යයෙන් අධි-වේග මොඩම වෙනම පවතින සංරචක වේ.



කේබල් මොඩමය

ඔබේ මූසිකය භාවිතය

මෙම ලිපියෙහි

• මූලික කොටස්
• මූසිකය අල්ලා ගැනීම සහ ගෙනයාම
• යොමු කිරීම, ක්ලික් කිරීම, සහ ඇදීම
• අනුචලන රෝදය භාවිතය
• ඔබේ මූසිකය අභිමත ලෙස සැකසීම
• ඔබේ මූසිකය ආරක්ෂිතව භාවිත කිරීම සඳහා ඉඟි

භෞතික ලෝකයෙහි වස්තු සමග අන්තර් ක්‍රියා කිරීමට ඔබේ දෑත් භාවිත කරන අයුරින්ම, ඔබේ පරිගණක තිරයෙහි ඇති අයිතම සමග අන්තර් ක්‍රියා කිරීමට ඔබට මූසිකය භාවිත කළ හැකිය. වස්තු ගෙනයාම, විවෘත කිරීම, වෙනස් කිරීම, බැහැරට යැවීම, සහ වෙනත් ක්‍රියා සිදු කිරීම යන සියල්ලම ඔබේ මූසිකය යොමු කර සහ ක්ලික් කිරීමෙන් ඔබට සිදු කළ හැකිය.

මූලික කොටස්

මූසිකයක් බොහෝ විට බොත්තම් දෙකකින් සමන්විතය: primary button (සමාන්‍යයෙන් leftබොත්තම) සහ ද්විතීයික බොත්තම (සමාන්‍යයෙන් right බොත්තම). ඔබ වැඩි වශයෙන් භාවිත කරනුයේ primary බොත්තමයි. ලේඛ සහ වෙබ් පිටු අතර වඩාත් පහසුවෙන් අනුචලනය කිරීම සඳහා ඔබට උදව් වන scrollw රෝදයක් ද බොත්තම් අතර පවතී. සමහර මූසිකයන්හි, තුන්වන බොත්තමක් ලෙස ක්‍රියා කිරීම සඳහා අනුචලන රෝදය එබිය හැකිය. වැඩි දියුණු කළ මූසිකයන්හි වෙනත් ක්‍රියාදාම සිදු කළ හැකි අතිරේක බොත්තම්ද පැවතිය හැකිය

මූසිකයක කොටස්

මූසිකය අල්ලා ගැනීම සහ ගෙනයාම

මූසික දර්ශක

යතුරුපුවරුවට පසෙකින්, මූසික පෑඩය වැනි පිරිසිදු සහ සිනිඳු මතුපිටක් මත ඔබේ මූසිකය තබන්න. ඔබේ දබරැඟිල්ල ප්‍රාථමික බොත්තම මත සිටින සේ ද මහපට ඇඟිල්ල පසෙකින් සිටින සේ ද මූසිකය මෘදුව අල්ලා ගන්න. මුසිකය ගෙන යාමට, එය ඕනෑම දිශාවකට තල්ලු කරන්න. එය කරකැවීමෙන් වළකින්න—මුසිකය ඉදිරිපස ඔබෙන් ඉවතට යොමු වන සේ තබා ගන්න. ඔබ මුසිකය ගෙනයන ආකාරයට, එම දිශාවටම දර්ශකයක් (පින්තූරය බලන්න) තිරයෙහි චලනය වේ. මූසිකය ගෙනයාම සඳහා ඔබේ මේසයෙහි හෝ මූසික පෑඩයෙහි ඉඩ ප්‍රමාණවත් නොවේ නම්, මුසිකය අතින් ගෙන ඔබ ආසන්නයට ගෙන එන්න.

ඔබේ මැණික් කටු පෙදෙස ඍජුව තබා ගෙන, මූසිකය සැහැල්ලුවෙන් අල්ලා ගන්න

යොමු කිරීම-move, ක්ලික් කිරීම-click, සහ ඇදීම-drag

තිරයෙහි ඇති අයිතමයකට යොමු කිරීම යනු මූසික දර්ශකය මගින් අයිතමය ස්පර්ශ කරන ලෙස දිස්වන පරිදි මූසිකය එය වෙතට ගෙන යාමයි. ඔබ යම් දෙයකට යොමු වූ විට, නිරන්තයෙන්ම කුඩා කොටුවක් දිස්වන අතර එමගින් අයිතමය විස්තර කෙරෙයි. නිදසුනක් ලෙස, ඔබ වැඩතලයෙහි පිළිසකර බඳුනට යොමු වූ විට, මෙම තොරතුරු සහිත කොටුවක් දිස්වෙයි: "ඔබ මකා ඇති ගොනු සහ ෆෝල්ඩර අඩංගුයි."

වස්තුවකට යොමු වීමෙන් එය පිළිබඳ විස්තරාත්මක පණිවිඩයක් හෙළි කරයි

ඔබ මූසිකය යොමු කෙරෙන ස්ථානය අනුව දර්ශකය වෙනස් විය හැකිය. නිදසුනක් ලෙස, ඔබේ වෙබ් බ්‍රවුසරයෙහි සබැඳියකට යොමු වන විට, මූසික දර්ශකය ඊතලයක සිට ඇඟිල්ලක් මගින් යොමු කිරීමක් සහිත අතක් බවට එය වෙනස් වේ.

බොහෝ මූසික ක්‍රියා මූසික බොත්තම් අතරින් එකක් එබීම සමග යොමු කිරීම හා සම්බන්ධ වේ. ඔබේ මූසික බොත්තම් භාවිත කිරීමට මූලික ක්‍රම හතරකි: ක්ලික් කිරීම, ද්වි-ක්ලික් කිරීම, දකුණු-ක්ලික් කිරීම, සහ ඇදීම.

ක්ලික් කිරීම (ඒකල-ක්ලික් කිරීම)(one click)

අයිතමයක් ක්ලික් කිරීමට, තිරයෙහි ඇති අයිතමයට යොමු වෙන්න, ඉන්පසු ප්‍රාථමික බොත්තම (සමාන්‍යයෙන් වම් බොත්තම) ඔබා අත් හරින්න.

අයිතමයක් තේරීමට (සලකුණු කිරීමට) හෝ මෙනුවක් විවෘත කිරීමට ක්ලික් කිරීම සුලබව භාවිත කරයි. මෙය සමහර අවස්ථාවන්හිදී ඒකල-ක්ලික් කිරීම හෝ වම්-ක්ලික් කිරීම ලෙසද හඳුන්වයි.

ද්වි-ක්ලික් කිරීම(double click)

අයිතමයක් ද්වි-ක්ලික් කිරීමට, තිරයෙහි ඇති අයිතමයට යොමුකර, ඉන්පසුව ඉක්මනින් දෙවරක් ක්ලික් කරන්න. ක්ලික් කිරීම් දෙක අතර කාල පරතරය වැඩි නම්, එය ද්වි-ක්ලික් කිරීමකට වඩා ක්ලික් කිරීම් දෙකක් ලෙස අර්ථ දැක්විය හැකිය.

ද්වි-ක්ලික් කිරීම ඔබේ වැඩතලයෙහි ඇති අයිතම විවෘත කිරීමට බහුලව භාවිත කරයි. නිදසුනක් ලෙස, වැඩතලයෙහි අයිකනය ද්වි-ක්ලික් කිරීමෙන් ඊට අයත් ෆෝල්ඩරයක් විවෘත කිරීම හෝ ක්‍රමලේඛයක් ඇරඹීම හෝ ඔබට සිදු කළ හැකිය.

ඉඟිය

• ඔබට ද්වි-ක්ලික් කිරීමේ අපහසුතාවක් පවතී නම්, ඔබට ද්වි-ක්ලික් කිරීමේ වේගය සැකසිය හැකිය (ක්ලික් කිරීම් අතර පිළිගත හැකි කාල පරතරය). මෙම පියවර අනුගමනය කරන්න:
  1. 
     
  2. මූසික ගුණාංග විවෘත කිරීමට ක්ලික් කරන්න
  3. බොත්තම් පටිත්ත ක්ලික් කරන්න, ඉන්පසුව, ද්වි-ක්ලික් කිරීම් වේගය යටතේ, වේගය වැඩි කිරීමට හෝ අඩු කිරීමට ස්ලයිඩරය ගෙනයන්න.

දකුණු-ක්ලික් කිරීම

අයිතමයක් දකුණු-ක්ලික් කිරීමට, තිරයෙහි ඇති අයිතමයට යොමුකර, ඉන්පසු ද්විතීයික බොත්තම (සමාන්‍යයෙන් දකුණු බොත්තම) ඔබා අත් හරින්න.

සාමාන්‍යයෙන් අයිතමයක දකුණු ක්ලික් කිරීමෙන් එම අයිතමය සමග සිදු කළ හැකි කාර්ය ලැයිස්තුවක් දක්වයි. නිදසුනක් ලෙස, ඔබ ඔබේ වැඩතලයෙහි පිළිසකර බඳුන දකුණු-ක්ලික් කිරීමෙන්, Windows එය විවෘත කිරීම, හිස් කිරීම, මකා දැමීම, සඳහා හෝ එහි ගුණාංග දැක්වීම සඳහා හෝ ඉඩ සළසන මෙනුවක් දක්වයි. යම් දෙයක් සමග සිදු කරන්නේ කුමක් ද යන්න පිළිබඳ ඔබට සැකයක් පවතී නම්, එය දකුණු ක්ලික් කරන්න.

පිළිසකර බඳුන දකුණු-ක්ලික් කිරීමෙන් අදාළ විධාන මෙනුවක් විවෘත කරයි

ඇදීම-drag

අයිතම ඇදීම මගින් ඔබට ඒවා තිරය පුරා ගෙනයා හැකිය. වස්තුවක් ඇදීමට, තිරයෙහි ඇති වස්තුවට යොමුකර, ප්‍රාථමික බොත්තම ඔබාගෙන තදකර අල්ලා, නව පිහිටුමකට වස්තුව ගෙන යන්න, ඉන්පසු ප්‍රාථමික බොත්තම අත හරින්න.

ඇදීම (සමහර අවස්ථාවන්හි ඇදීම සහ හෙළීම ලෙසද හඳුන්වයි) බොහෝ විට භාවිත කෙරෙනුයේ ගොනු සහ ෆෝල්ඩර නව පිහිටුමකට ගෙන යාමට හෝ කවුළු සහ අයිකන ඔබේ තිරය පුරා ගෙන යාමටයි.

අනුචලන රෝදය භාවිතය-scrollweel

ඔබේ මූසිකයෙහි අනුචලන රෝදයක් පවතී නම්, ඔබට ලේඛ සහ වෙබ් පිටු හරහා අනුචලනය කිරීමට එය භාවිත කළ හැකිය. පහළට අනුචලනය කිරීමට, රෝදය පසුපසට (තමා දෙසට) රෝල් කරන්න. ඉහළට අනුචලනය කිරීමට, රෝදය ඉදිරියට (තමාගෙන් ඉවතට) රෝල් කරන්න.

ඔබේ මූසිකය අභිමත ලෙස සැකසීම(mouse settings)

ඔබේ පෞද්ගලික අභිමතය පරිදි මූසික සිටුවීම් වෙනස් කිරීමට ඔබට හැකිය. නිදසුනක් ලෙස, තිරයෙහි ඔබේ මූසික දර්ශකය ගෙනයන වේගය, හෝ දර්ශකයෙහි පෙනුම ඔබට වෙනස් කළ හැකිය. ඔබ වමත්කරුවෙකු නම්, ප්‍රාථමික බොත්තම දකුණු බොත්තමට ඔබට මාරු කළ හැකිය. වැඩිදුර තොරතුරු සඳහා, මූසික සිටුවීම් වෙනස් කිරීම බලන්න.

ඔබේ මූසිකය ආරක්ෂිතව භාවිත කිරීම සඳහා ඉඟි

විශේෂයෙන්ම ඔබ දීර්ඝ කාල පරාසයක් පරිගණකය භාවිත කරන්නේ නම්, මූසිකය නිසි ලෙස අල්ලා ගැනීම සහ ගෙන යාම මගින් ඔබේ මැණික්කටු, දෑත්, සහ බාහු පීඩාවීමෙන් හෝ හානිවීමෙන් වළක්වා ගත හැකිය. ගැටලු වළක්වා ගැනීමට ඉඟි කිහිපයක් මෙහි දැක්වේ:

• ඔබේ මූසිකය වැළමිට මට්ටමෙන් ස්ථානගත කරන්න. ඔබේ ඉහළ බාහු ඔබ දෙපසින් සැහැල්ලුව තබා ගන්න.
• ඔබේ මූසිකය තදින් මිරිකීමෙන් හෝ දැඩිව අල්ලාගෙන සිටීමෙන් වළකින්න. එය සැහැල්ලුව තබාගන්න.
• ඔබේ වැලමිට කේන්ද්‍ර කරගෙන ඔබේ අතින් මූසිකය ගෙනයන්න. ඔබේ මැණික්කටු පෙදෙස ඉහළට, පහළට, හෝ පැතිවලට නැමීමෙන් වළකින්න.
• මූසික බොත්තමක් ක්ලික් කරන විට මෘදු ස්පර්ශයක් භාවිත කරන්න.
• ඔබේ ඇඟිලි සැහැල්ලුවෙන් තබාගන්න. ඒවාට බොත්තම් සමීපයේ ඉහළින් සැරිසැරීමට ඉඩ නොදෙන්න.
• ඔබට මූසිකය භාවිත කිරීමට අවශ්‍ය නොවන විට, එය ඇල්ලීමෙන් වළකින්න.
• පරිගණකය භාවිත කරන සෑම මිනිත්තු 15 හෝ 20කට වරක්ම සුළු විරාමයක් ලබා ගන්න.

සියල්ල සඟවන්න

ඔබේ යතුරුපුවරුව භාවිතය(using keyboard)

මෙම ලිපියෙහි

• යතුරු සංවිධානය කර ඇත්තේ කෙසේ ද
• පෙළ ටයිප් කිරීම
• යතුරුපුවරු කෙටිමං භාවිත කිරීම
• මං සෙවුම් යතුරු භාවිත කිරීම
• සංඛ්‍යා යතුරුපෑඩය භාවිත කිරීම
• අපූර්ව යතුරු තුන
• වෙනත් යතුරු
• ඔබේ යතුරුපුවරුව ආරක්ෂිතව භාවිත කිරීම සඳහා ඉඟි

ඔබ ලිපියක් ලියමින් සිටිය ද සංඛ්‍යාත්මක දත්ත ඇතුල් කරමින් සිටිය ද, ඔබේ පරිගණකයට තොරතුරු ඇතුල් කිරීමේ ප්‍රධාන මාර්ගය වන්නේ යතුරුපුවරුවයි. ඔබේ පරිගණකය පාලනය කිරීම සඳහා ද යතුරුපුවරුව භාවිත කළ හැකි බව ඔබ දැන සිටියේ ද? සරල යතුරුපුවරු විධාන (ඔබේ පරිගණකයට උපදෙස්) කිහිපයක් හැදෑරීම වඩාත් කාර්යක්ෂමව වැඩ කිරීමට ඔබට උපකාරී වනු ඇත. මෙම ලිපිය මගින් යතුරුපුවරු මෙහෙයුමක මූලිකාංග සහ යතුරුපුවරු විධාන අරඹන ආකාරය ආවරණය කරයි.

යතුරු සංවිධානය කර ඇත්තේ කෙසේ ද

ඔබේ යතුරු පුවරුවෙහි ඇති යතුරු ඒවායෙහි ක්‍රියාදාම අනුව කාණ්ඩ කිහිපයකට බෙදා දැක්විය හැකිය:

• ටයිප් කිරීමේ (අක්ෂරාංක) යතුරු-typing keys. මෙම යතුරුවල සම්ප්‍රදායික යතුරු ලියනයක හමුවන ඊට සමාන අකුරු, ඉලක්කම්, විරාම ලකුණු, සහ සංකේත යතුරු ඇතුළත්ය.
• පාලක යතුරු-control keys. ඇතැම් ක්‍රියා සිදු කිරීම සඳහා මෙම යතුරු තනිව හෝ වෙනත් යතුරු සමග භාවිත කරයි. වැඩි වශයෙන්ම භාවිත කෙරෙන පාලක යතුරු වන්නේ CTRL, ALT, Windows ලාංඡන යතුර , සහ ESC යන යතුරුය.
• ක්‍රියාදාම යතුරු-function keys. විශේෂිත කාර්යයන් සිදු කිරීම සඳහා ක්‍රියාදාම යතුරු භාවිත කරයි. ඒවා F1, F2, F3, ආදී ලෙස, F12 වන තෙක් ලේබල්කර ඇත. මෙම යතුරුවල ක්‍රියාකාරිත්වය ක්‍රමලේඛයෙන් ක්‍රමලේඛයට වෙනස් වෙයි.
• මං සෙවුම් යතුරු-navigation keys. මෙම යතුරු ලේඛවල හෝ වෙබ් පිටුවල එහා මෙහා යාමට සහ පෙළ සැකසීමට භාවිත කරයි. ඊට ඊතල යතුරු, HOME, END, PAGE UP, PAGE DOWN, DELETE, සහ INSERT ඇතුළත්ය.
• සංඛ්‍යා යතුරුපෑඩය-numeric keys. සංඛ්‍යා යතුරුපෑඩය ඉලක්කම් කඩිනමින් ඇතුල් කිරීමට යෝග්‍ය වේ. සම්ප්‍රදායික කැල්කියුලේටරය හෝ එකතු කිරීමේ යන්ත්‍රයක මෙන් යතුරු කොටුවක එකට පිහිටන සේ සමූහගතකර ඇත.

යතුරුපුවරුවක මෙම යතුරු සාමාන්‍යයෙන් පිහිටා ඇති ආකාරය පහත දැක්වෙන රූප සටහනෙන් පෙන්වා ඇත. ඔබේ යතුරුපුවරු පිරිසැලසුම වෙනස්වීමට ඉඩ ඇත.

යතුරුපුවරුවක යතුරු පිහිටා ඇත්තේ කෙසේ ද

පෙළ ටයිප් කිරීම(typing)

ක්‍රමලේඛයක යම් දෙයක් ඉ‑තැපැල් පණිවිඩයක, හෝ පෙළ කොටුවක, ටයිප් කිරීමට ඔබට අවශ්‍ය වන ඕනෑම අවස්ථාවක, නිමීලන සිරස් ඉරක් ( | ) ඔබට දක්නට ලැබෙනු ඇත. එය කර්සරය නමින් හැඳින්වෙයි, එසේම එය ඇතුළු කරන තැන ලෙසද හැඳින්වෙයි. ඔබ ටයිප් කරන පෙළ ඇරඹෙන්නේ කුමන ස්ථානයෙන්ද යන්න එමගින් පෙන්වයි. මුසිකයෙන් ඔබ කැමති තැනක් ක්ලික් කිරීම, හෝ මං සෙවුම් යතුරු භාවිත කිරීම හෝ මගින් ඔබට කර්සරය ගෙන යා හැකිය (මෙම ලිපියෙහි "මං සෙවුම් යතුරු භාවිත කිරීම" බලන්න).

අකුරු, ඉලක්කම්, විරාම ලකුණු, සහ සංකේතවලට අමතරව ටයිප් කිරීමේ යතුරුවලට SHIFT, CAPS LOCK, TAB යතුර, ENTER, SPACEBAR, සහ BACKSPACE ද ඇතුළත් වෙයි.

යතුරෙහි නාමය	එය භාවිත කරන ආකාරය
SHIFT	මහකුරක් ටයිප් කිරීමට SHIFT සමග අකුරක් ඔබන්න. යතුරක ඉහළ කොටසෙහි පෙන්වා ඇති සංකේතය ටයිප් කිරීමට SHIFT සමග එම යතුර ඔබන්න.
CAPS LOCK	සියලු අකුරු මහකුරු ලෙස ටයිප් කිරීමට CAPS LOCK වරක් ඔබන්න. එම ක්‍රියාදාමය අක්‍රීය කිරීමට නැවතත් CAPS LOCK ඔබන්න. CAPS LOCK සක්‍රීයව පවතින බව ඇඟවීමට ඔබේ යතුරුපුවරුවෙහි බල්බයක් දැල්වෙයි.
TAB	අකුරු කිහිපයක ඉඩකින් කර්සරය ඉදිරියට ගෙන යාමට TAB යතුර ඔබන්න. එසේම ටැබ් යතුර එබීමෙන් පෝරමයක ඇති ඊළඟ පෙළ කොටුවට යොමු විය හැකිය.
ENTER	ඊළඟ පේළියෙහි මුලට කර්සරය ගෙන යාමට ENTER ඔබන්න.සංවාද කොටුවක උද්දීපනයවී ඇති බොත්තම තේරීමට, ENTER ඔබන්න.
SPACEBAR	එක් අකුරක ඉඩකින් ඉදිරියට යාමට SPACEBAR ඔබන්න.
BACKSPACE	කර්සරයට පෙර ඇති අනුලකුණ හෝ තෝරාගත් පෙළ මකා දැමීමට BACKSPACE ඔබන්න.

යතුරුපුවරු කෙටිමං භාවිත කිරීම(shortcuts)

යතුරුපුවරු කෙටිමං යනු ඔබේ යතුරුපුවරුව භාවිතයෙන් ක්‍රියා සිදු කිරීමට ඇති මාර්ගයි. කාර්යයන් ඉතා ඉක්මනින් සිදු කරගැනීමට උදව්වන නිසා ඒවා කෙටිමං නමින් හැඳින්වෙයි. සත්‍ය වශයෙන්ම, මුසිකයකින් සිදු කළ හැකි ක්‍රියා හෝ විධාන සියල්ලම පාහේ යතුරු පුවරුවක ඇති යතුරු එකක් හෝ කිහිපයක් භාවිතයෙන් ඉතා ඉක්මනින් සිදු කළ හැකිය.

උදව් මාතෘකාවල, යතුරු දෙකක් හෝ කිහිපයක් අතර ඇති ධන ලකුණ (+) මගින් ඒවා එකවර එබිය යුතු බව අඟවයි. නිදසුනක් ලෙස, CTRL+A යනු CTRL ඔබාගෙන සිටිමින් ඉන්පසු A එබිය යුතු බවයි. CTRL+SHIFT+A යනු CTRL සහ SHIFT ඔබාගෙන සිටිමින් ඉන්පසු A එබිය යුතු බවයි.

ක්‍රමලේඛ කෙටිමං සෙවීම

යතුරුපුවරු භාවිතයෙන් බොහෝ ක්‍රමලේඛවල යම් යම් දේ කළ හැකිය. යතුරුපුවරු කෙටිමං පවතින විධාන කවරේදැයි බැලීමට, මෙනුවක් විවෘත කරන්න. කෙටිමං (පවතී නම්) මෙනු අයිතමය ආසන්නයෙන් පෙන්වා ඇත.

යතුරුපුවරු කෙටිමං මෙනු අයිතමය ආසන්නයෙන් දිස්වෙයි.

මෙනු, විධාන, සහ අභිරුචි තේරීම

යතුරුපුවරුව භාවිතයෙන් මෙනු විවෘතකර විධාන සහ වෙනත් අභිරුචි තෝරාගත හැකිය. ඔබ මෙනු සහිත ක්‍රමලේඛයක ALT ඔබන්නේ නම්, එක් එක් මෙනු නම්වල පළමු අකුර යටින් ඉරි ඇඳෙයි. යටි ඉරි ඇඳි අකුරක් එබීමෙන් එය ආශ්‍රිත මෙනුව විවෘත කෙරෙයි. විධානයක් තේරීමට මෙනු අයිතමයක යටි ඉරි ඇඳි අකුර ඔබන්න.

ගොනු මෙනුව විවෘත කිරීමට ALT+F ඔබා, අනතුරුව මුද්‍රණය කිරීමේ විධානය තේරීමට P ඔබන්න

මෙම උපක්‍රමය සංවාද කොටු සඳහාද වලංගු වේ. සංවාද කොටුවක ඇති අභිරුචියට යටින් ඉරි ඇඳි අකුරක් අමුණා තිබෙන ඕනෑම අවස්ථාවකදී, ALT සහ එම අකුර එබීමෙන් එම අභිරුචිය තේරීමට හැකි බව ඉන් අදහස් කරයි.

ප්‍රයෝජනවත් කෙටිමං

පහත දැක්වෙන වගුවෙහි වඩාත් ප්‍රයෝජනවත් යතුරුපුවරු කෙටිමං ලැයිස්තුගත කර ඇත. වැඩි විස්තර සහිත ලැයිස්තුවක් සඳහා, යතුරුපුවරු කෙටිමං බලන්න.

මෙය ඔබන්න	මෙය සිදු කිරීමට
Windows ලාංජන යතුර	ඇරඹුම් මෙනුව විවෘත කරයි
ALT+TAB	විවෘතව ඇති ක්‍රමලේඛ හෝ කවුළු අතර මාරු වෙයි
ALT+F4	සක්‍රීය අයිතමය වසයි, නැතහොත් සක්‍රිය ක්‍රමලේඛයෙන් පිටවෙයි
CTRL+S	පවතින ගොනුව හෝ ලේඛය සුරකියි (බොහෝ ක්‍රමලේඛයන්හි ක්‍රියා කරයි)
CTRL+C	තෝරාගත් අයිතමය පිටපත් කරයි
CTRL+X	තෝරාගත් අයිතමය කපයි
CTRL+V	තෝරාගත් අයිතමය අලවයි
CTRL+Z	ක්‍රියාවක් පසුගමනය කරයි
CTRL+A	ලේඛයක හෝ කවුළුවක ඇති අයිතම සියල්ල තෝරයි
F1	ක්‍රමලේඛයකට හෝ Windows සඳහා උදව් දක්වයි.
Windows ලාංජන යතුර +F1	Windows උදව් සහ සහාය දක්වයි
ESC	වත්මන් කාර්ය අවලංගු කරයි
යෙදුම් යතුර	ක්‍රමලේඛයක තේරීමක් ආශ්‍රිතව විධාන මෙනුවක් විවෘත කරයි. තේරීම දකුණු-ක්ලික් කිරීම හා සමාන වෙයි.

මං සෙවුම් යතුරු භාවිත කිරීම

කර්සරය ගෙනයාමට, ලේඛ සහ වෙබ්පිටුවල සැරිසැරීමට, සහ පෙළ සැකසීමට මං සෙවුම් යතුරු ඉඩ සලසයි. පහත දැක්වෙන වගුවෙහි මෙම යතුරුවල පොදු ක්‍රියාදාම සමහරක් ලැයිස්තුගත කර ඇත.

මෙය ඔබන්න	මෙය සිදු කිරීමට
වම් ඊතලය, දකුණු ඊතලය, උඩුකුරු ඊතලය, හෝ යටිකුරු ඊතලය	කර්සරය හෝ තේරීම එක් අකුරක ඉඩකින් හෝ එක් පේළියකින් ඊතලයෙහි දිශාවට ගෙන යයි, නැතහොත් වෙබ් පිටුවක් ඊතලයෙහි දිශාවට අනුචලනය කරයි
HOME	කර්සරය පේළියක මුලට ගෙන යාම හෝ වෙබ් පිටුවක ඉහළට ගෙන යාම හෝ සිදු කරයි
END	කර්සරය පේළියක අවසානයට ගෙනයාම හෝ වෙබ් පිටුවක පහළට ගෙන යාම හෝ සිදු කරයි
CTRL+HOME	ලේඛයක ඉහළට ගෙන යයි
CTRL+END	ලේඛයක පහළට ගෙන යයි
PAGE UP	තිරයෙන් එක් පිටුවක් ඉහළට කර්සරය හෝ පිටුව ගෙන යයි
PAGE DOWN	තිරයෙන් එක් පිටුවක් පහළට කර්සරය හෝ පිටුව ගෙන යයි
DELETE	කර්සරයට පසුව ඇති අනුලකුණ, හෝ තෝරාගත් පෙළ මකා දමයි; Windows හි, තෝරාගත් අයිතමය මකා දමා එය පිළිසකර බඳුනට ගෙන යයි
INSERT	ඇතුළු කිරීමේ ප්‍රකාරය අක්‍රීය හෝ සක්‍රීය කරයි. ඇතුළු කිරීමේ ප්‍රකාරය සක්‍රීයව ඇති විට, ඔබ ටයිප් කරන පෙළ කර්සරයෙහි ඇතුළු කෙරෙයි. ඇතුළු කිරීමේ ප්‍රකාරය අක්‍රීයව ඇති විට, ඔබ ටයිප් කරන පෙළ පවතින අනුලකුණුවලට ආදේශ කරයි.

සංඛ්‍යා යතුරුපෑඩය භාවිත කිරීම(numeric keypad)

සංඛ්‍යා යතුරුපෑඩය 0 සිට 9 දක්වා සංඛ්‍යා, + (එකතු කිරීමේ), - (අඩු කිරීමේ), * (වැඩි කිරීමේ), සහ / (බෙදීමේ) අංක ගණිත මෙහෙයුම්කාරක, සහ දශම ස්ථාන කැල්කියුලේටරයක හෝ එකතු කිරීමේ යන්ත්‍රයක දිස්විය යුතු ආකාරයෙන් සකසයි. මෙම අනුලකුණු යතුරුපුවරුවෙහි වෙනත් ස්ථානයක තිබුණ ද, යතුරුපෑඩයේ ඇති පිළිවෙළ මගින් එක් අතකින් සංඛ්‍යාත්මක දත්ත හෝ ගණිත කර්ම ඉතාමත්ම වේගයෙන් ඇතුල් කිරීමට ඉඩ සලසයි.

සංඛ්‍යා යතුරුපෑඩය

ඉලක්කම් ඇතුල් කිරීම සඳහා සංඛ්‍යා යතුරුපෑඩය භාවිත කිරීමට, NUM LOCK ඔබන්න. NUM LOCK අක්‍රීය හෝ සක්‍රීය බව ඇඟවීමට යතුරුපුවරු බොහොමයක බල්බයක් පවතියි. NUM LOCK අක්‍රීය කළ විට, මං සෙවුම් යතුරුවල දෙවන කට්ටලය ලෙස සංඛ්‍යා යතුරුපෑඩය ක්‍රියා කරයි (යතුරුවල පවතින සංඛ්‍යා හෝ සංකේත ආසන්නයෙන් මෙම ක්‍රියාදාම මුද්‍රණය කර ඇත).

කැල්කියුලේටරය සමග සරල ගණනය කිරීම් සිදු කිරීමට ඔබට සංඛ්‍යා යතුරුපෑඩය භාවිත කළ හැකිය.

කැල්ක්‍යුලේ‍ටරය සංඛ්‍යා යතුරුපෑඩය සමග ක්‍රියාත්මක කිරීම

1. කැල්ක්‍යුලේ‍ටරය විවෘත කිරීමට ක්ලික් කරන්න
2. NUM LOCK සක්‍රීයව පවතින්නේ ද යන්න බැලීමට ඔබේ යතුරුපුවරුවෙහි බල්බයෙන් දිස් වන එළිය පරීක්ෂා කරන්න. එසේ නොමැතිනම්, NUM LOCK ඔබන්න.
3. සංඛ්‍යා යතුරුපෑඩය භාවිතයෙන්, ගණනය කිරීමෙහි පළමු ඉලක්කම ටයිප් කරන්න.
4. එකතු කිරීමට +, අඩු කිරීමට -, වැඩි කිරීමට * හෝ බෙදීමට / යතුරුපෑඩයෙහි ටයිප් කරන්න.
5. ගණනය කිරීමෙහි ඊළඟ ඉලක්කම ටයිප් කරන්න.
6. ගණනය කිරීම සම්පූර්ණ කිරීමට ENTER ඔබන්න.

අපූර්ව යතුරු තුන

මේ වන විට, ඔබ භාවිත කිරීමට ඉඩ ඇති සෑම යතුරක් පිළිබඳවම සාකච්ඡාකර ඇත. එහෙත් ඇත්ත වශයෙන්ම කුතුහලය ඇත්නම්, යතුරු පුවරුවෙහි වඩාත් පුදුමාකාර යතුරු තුනක් පිළිබඳව සොයා බලමු: PRINT SCREEN, SCROLL LOCK, සහ PAUSE/BREAK.

PRINT SCREEN (නැතහොත් PRT SCN)

බොහෝ කලකට ඉහත, මෙම යතුර එමගින් ප්‍රකාශිත දේ සිදු කරන ලදී—එනම් එය පවතින තිරයෙහි ඇති පෙළ ඔබේ මුද්‍රකය වෙත ගෙන යන ලදී. වර්තමානයෙහි, PRINT SCREEN එබීමෙන් සමස්ත තිරයෙහි අනුරුවක් ("තිර සේයා රුවක්") ලබා ගෙන එය ඔබගේ පරිගණක මතකයෙහි ඇති පසුරු පුවරුවට පිටපත් කරයි. එමගින් Microsoft Paint හෝ වෙනත් ක්‍රමලේඛයකට එය ඇලවිය (CTRL+V) හැකිය, ඔබට අවශ්‍ය නම්, එම ක්‍රමලේඛයෙන් එය මුද්‍රණය කළ හැකිය.

වඩාත් මවිත කරවන දෙය නම් සමහර යතුරුපුවරුවල SYS RQ, PRINT SCREEN සමග යතුර හවුල් කර ගැනීමයි. සමහර යතුරුපුවරුවල, "පද්ධති ඉල්ලීම," ලෙස සැලසුම්කර තිබුණ දWindowsහි මෙම විධානය සක්‍රීයකර නැත.

ඉඟිය

• සම්පූර්ණ තිරය වෙනුවට, සක්‍රිය කවුළුවෙහි සේයා රුවක් ලබා ගැනීමට ALT+PRINT SCREEN ඔබන්න.

SCROLL LOCK (නැතහොත් SCR LK)

බොහෝ ක්‍රමලේඛවල, SCROLL LOCK එබීමෙහි ප්‍රතිඵලයක් නොමැත. ක්‍රමලේඛ කිහිපයක, SCROLL LOCK එබීමෙන් ඊතල යතුරු සහ PAGE UP සහ PAGE DOWN හි චර්යාව වෙනස් කරයි; මෙම යතුරු එබීමෙන් කර්සරය තිබෙන තැන හෝ තේරීම වෙනස් කිරීමෙන් තොරව ලේඛය අනුචලනයවීමට සලස්වයි. SCROLL LOCK සක්‍රීයව පවතී ද යන්න ඇඟවීමට ඔබේ යතුරුපුවරුවෙහි බල්බයක දිස් වන එළියක් පැවතීමට ඉඩ ඇත.

PAUSE/BREAK

මෙම යතුර කලාතුරකින් භාවිත කරයි. සමහර පැරණි ක්‍රමලේඛවල, මෙම යතුර එබීමෙන් ක්‍රමලේඛය විරාම කරයි නැතහොත්, CTRL සමග භාවිත කිරීමෙන්, එහි ක්‍රියාත්මක වීම නවතයි.

වෙනත් යතුරු

සමහර නවීන යතුරුපුවරු සමග "ක්ෂණික යතුරු" හෝ ඉක්මනින්, එනම් ක්‍රමලේඛයන්ට එක්-එබුමකින් පිවිසීමට ඉඩ සලසන බොත්තම් හෝ ලැබෙයි. වෙනත් මාදිළිවලට ශබ්ද පාලක, අනුචලන රෝද, යුහුමු රෝද, සහ වෙනත් මෙවලම් පවතියි. මෙම විශේෂාංග පිළිබඳ විස්තර සඳහා, ඔබේ යතුරුපුවරුව හෝ පරිගණකය සමග ලැබෙන තොරතුරු පරීක්ෂා කරන්න, නැතහොත් නිෂ්පාදකගේ වෙබ් අඩවියට යන්න.

ඔබේ යතුරුපුවරුව ආරක්ෂිතව භාවිත කිරීම සඳහා ඉඟි

ඔබේ යතුරුපුවරුව නිසි ලෙස භාවිත කිරීම මගින්, විශේෂයෙන්ම ඔබ පරිගණකය බොහෝ කාල පරාසයක් භාවිත කරන්නේ නම්, ඔබේ මැණික් කටුවලට, අත්වලට සහ බාහුවලට සිදුවන හානිවීම් හෝ පීඩාවීම් වළක්වා ගැනීමට උපකාර කරයි. ගැටලු වළක්වා ගැනීමට ඔබට උදව් වන ඉඟි සමහරක් මෙහි දැක්වේ:

• ඔබේ යතුරුපුවරුව වැළමිට මට්ටමෙන් තබාගන්න. ඔබේ ඉහළ බාහු ඔබේ දෙපසින් සැහැල්ලුව තිබිය යුතුය.
• යතුරුපුවරුව ඔබ ඉදිරියෙන් මැදට වන සේ තබා ගන්න. ඔබේ යතුරුපුවරුවට සංඛ්‍යා යතුරුපෑඩයක් පවතී නම්, ඔබට spacebar කේන්ද්‍ර ලක්ෂ්‍ය ලෙස තබාගත හැකිය.
• දුරින් ඇති යතුරුවලට ඔබේ ඇඟිලි දිගු කිරීමෙන් තොරව ඔබේ සම්පූර්ණ අතම භාවිත කළ හැකි වන පරිදි, ඔබේ අත් යතුරුපුවරුව ඉහළින් පාවෙන සේ ටයිප් කරන්න.
• ටයිප් කරන අතර ඔබේ අත්ල හෝ මැණික් කටුව ඕනෑම වර්ගයක මතුපිටක තැබීමෙන් වළකින්න. ඔබේ යතුරුපුවරුවට අත් ඇන්දක් පවතියි නම්, ටයිප් කිරීමෙන් මදකට ඉවත්වූ විට පමණක් එය භාවිත කරන්න.
• ටයිප් කරන අතර, සැහැල්ලු ලෙස ස්පර්ශ කරන අතර සහ ඔබේ මැණික්කටු පෙදෙස ඍජුව තබා ගන්න.
• ඔබ ටයිප් නොකරන විට, බාහු සහ අත් සැහැල්ලුව තබා ගන්න.
• පරිගණකය භාවිත කරන විට සෑම මිනිත්තු 15කට 20කට වරක්ම සුළු විරාමයක් ලබා ගන්න.

සියල්ල සඟවන්න

ඔබේ පරිගණකය නිසි ලෙස නිවා දැමීම(SHUTDOWN)-OFF

මෙම ලිපියෙහි

• ඇරඹුම් මෙනුවෙහි ඇති බල සැපයුම් බොත්තම භාවිත කිරීම
• ඔබේ බල සැපයුම් බොත්තම වෙනස්ව දිස් විය හැක්කේ ඇයි
• වසා දැමිය යුත්තේ කුමන අවස්ථාවේ ද
• ජංගම පරිගණක පරිශීලකයන්: පියන වැසීම

ඔබ පරිගණකය භාවිතකර අවසන්වූ විට, එය නිසි ලෙස නිවා දැමීම වැදගත් වෙයි—ඒ බලශක්තිය සුරැකීමට පමණක් නොව, ඔබේ දත්ත සුරැකී ඇති බව තහවුරු කිරීමට සහ ඔබේ පරිගණකය වඩාත් සුරක්ෂිතව තබාගැනීමට උදව්වන හෙයිනි. ඒ සියල්ලටම වඩා වැදගත්ම කරුණ නම්, ඊළඟ වාරයේදී ඔබ පරිගණකය භාවිත කරන විට ඔබේ පරිගණකය ඉක්මනින් ඇරඹීමට එය හේතු වීමය.

ඇරඹුම් මෙනුවෙහි ඇති බල සැපයුම් බොත්තම භාවිත කිරීම(using power button)

ඔබේ පරිගණකය නිවා දැමීමට, අරඹන්න බොත්තම ක්ලික්කර, ඉන්පසු ඇරඹුම් මෙනුවෙහි පහත දකුණු කොනෙහි ඇති බලය බොත්තම ක්ලික් කරන්න. බල බොත්තම සාමාන්‍යයෙන් මේ ආකාරයෙන් පෙන්නුම් කරයි:

බල සැපයුම් බොත්තම (සැතපීම)-power button

ඔබ මෙම බොත්තම ක්ලික් කළ විට, ඔබේ පරිගණකය සැතපීමට යයි. Windows විසින් ස්වයංක්‍රීයව ඔබේ කාර්ය සුරකියි, දැක්වුම නිවා දමයි, එසේම පරිගණක පංකාවෙන් නිකුත් වන සියලු ශබ්ද නවතයි. සාමාන්‍යයෙන්, ඔබේ පරිගණක ආවරණයට පිටතින් ඇති විදුලි බුබුළ නිමි නිමි දැල්වීම හෝ කහ පැහැයට හැරීම මගින් පරිගණකය සැතපෙන බව අඟවයි. මෙම සම්පූර්ණ ක්‍රියාදාමයට ගත වන්නේ තත්පර කිහිපයක් පමණි.

ඔබේ කාර්ය Windows විසින් සුරකින නිසා, ඔබේ පරිගණකය සැතපීමට සැලැස්වීමට පෙර ක්‍රමලේඛ සහ ගොනු වැසීම අවශ්‍ය නොවේ. ඊළඟ වාරයේදී ඔබේ පරිගණකය සක්‍රීය කරන විට (සහ අවශ්‍ය නම්, ඔබේ මුරපද ඇතුල් කරන විට), ඔබේ පරිගණකය නිවා දමන අවස්ථාවෙහි පැවති ආකාරයටම තිරය දිස් වෙයි.

ඔබේ පරිගණකය සක්‍රීය කිරීමට, ඔබේ පරිගණක ආවරණයෙහි ඇති බල සැපයුම් බොත්තම ඔබන්න. Windows ඇරඹෙන තුරු ඔබට බලා සිටීමට සිදු නොවන නිසා, ඔ‌බේ පරිගණකය තත්පර කිහිපයක් ඇතුළත සක්‍රීය වෙයි, එසේම ඔබට ඉතා ඉක්මනින්ම වැඩ කිරීම යළි ඇරඹීමට හැකිවෙයි.

සටහන

• ඔබේ පරිගණකය සැතපෙන අතරතුර, එහි මතකයේ ඇති ඔබගේ කාර්යයන් රැක ගැනීම සඳහා සුළු බල ප්‍රමාණයක් එය භාවිත කරනු ඇත. ඔබ ජංගම පරිගණකයක් භාවිත කරයි නම්, කණගාටු නොවන්න— බැටරිය විසර්ජනය නොවනු ඇත. පරිගණකය පැය කිහිපයක් සැතපුනු පසු, හෝ බැටරි බලය අඩු වන්නේ නම්, හෝ ඔබේ කාර්ය දෘඪ තැටියට සුරැකෙන අතර, ඉන්පසු ඔබේ පරිගණකය බලය ලබා ගැනීමකින් තොරව, සම්පූර්ණයෙන්ම නිමී යයි.

ඔබේ බල සැපයුම් බොත්තම වෙනස්ව දිස් විය හැක්කේ ඇයි

ඇරඹුම් මෙනුවෙහි බලය සපයන බොත්තමට එහි පෙනුම වෙනස්කර ගත හැකිය. සමහර වාතාවරණ යටතේ, බොත්තම මෙසේ දක්නට ලැබෙයි:

බල සැපයුම් බොත්තම (වැසීම)

ඔබ මේ ආකාරයෙන් බොත්තම ක්ලික් කළහොත්, ඔබේ පරිගණකය වැසෙයි. ඔබේ පරිගණකය සැතපීමට සැලැස්වීමේදී මෙන් නොව, වැසීම හේතුවෙන් Windows ද ඇතුළුව විවෘතව පවතින සියලු ක්‍රමලේඛ වැසෙයි. ඉන්පසු ඔබේ දැක්වුම සහ පරිගණකය සම්පූර්ණයෙන්ම නිවා දැමෙයි. පරිගණකය වසා දැමූ විට ඔබේ කාර්යය සුරක්ෂිත නොවන නිසා, වසා දැමීමට පෙර ඔබේ ගොනු සුරැකිය යුතුය.

පහත දැක්වෙන තත්ව යටතේ බල බොත්තම විසින් ඔබේ පරිගණකය වසා දමයි:

• සැතපීමේ විකල්පය ඔබේ පරිගණක දෘඪාංගයෙහි නොපැවතීම.
• ඔබ හෝ ඔබේ පරිගණක පරිපාලක විසින් 'පරිගණකය සෑම විටම වසන්න' ලෙස බල සැපයුම් බොත්තම සිටුවා තිබීම. (පහත දැක්වෙන උපදෙස් අනුගමනය කිරීම මගින් සිටුවීම් වෙනස් කළ හැකිය.)
  
  

  බල සැපයුම් බොත්තම් සිටුවීම් වෙනස් කිරීමට

  1. බල අභිරුචි විවෘත කිරීමට ක්ලික් කරන්න
  2. දැනට තෝරා ඇති බල සැලැස්ම යටතෙහි, සැලසුම් සිටුවීම් වෙනස් කරන්න ක්ලික් කරන්න.
  3. සැලසුම් සිටුවීම් සකසන්න සංවාද කොටුවෙහි ඇති, වැඩිදියුණු කළ බල සිටුවීම් වෙනස් කරන්න ක්ලික් කරන්න.
  4. ලැයිස්තුව විදැහීමට බල අභිරුචි සංවාද කොටුවෙහි ඇති, බල බොත්තම් සහ පියන ආසන්නයේ ඇති ධන ලකුණ (+) ක්ලික් කරන්න.
  5. ලැයිස්තුව විදැහීමට ඇරඹුම් මෙනුවෙහි බල සැපයුම් බොත්තම ආසන්නයේ ඇති ධන ලකුණ (+) ක්ලික් කරන්න.
  6. වැඩතල පරිගණකයක, සිටුවීම් ලැයිස්තුවෙහි, බල බොත්තම සඳහා සිටුවීමක් ක්ලික් කරන්න.
     – නැතහොත් –
     ජංගම පරිගණකයක, බැටරි සක්‍රීයයි සහ පේනුව යා කළ ලැයිස්තුවල, බල බොත්තම සඳහා සිටුවීම් ක්ලික් කරන්න.
  7. හරි ක්ලික් කරන්න.

බල සැපයුම් බොත්තමට ගත හැකි තවත් එක් ආකාරයක් පවතී. ඔබේ පරිගණකය යාවත්කාලීන ස්වයංක්‍රීයව ලබා ගන්නා ලෙසට සිටුවා ඇත්නම්, සහ යාවත්කාලීන ස්ථාපනය වීමට සූදානම් නම්, බොත්තම මත පලිහක සළකුණක් දිස්වෙයි:

බල සැපයුම් බොත්තම (යාවත්කාලීන ස්ථාපනය කිරීම සහ වසා දැමීම)(windows update)

ඔබ මේ ආකාරයෙන් බොත්තම ක්ලික් කළහොත්, Windows විසින් යාවත්කාලීන ස්ථාපනයකර එය සම්පූර්ණවූ විට ඔබේ පරිගණකය වසා දමයි.

සටහන

• ඔබේ පරිගණකය වසා දැමීමෙන් අනතුරුව එය යළි ඇරඹීම සඳහා සැතපීමෙන් සක්‍රීය කරනවාට වඩා වැඩි කාලයක් ගත වෙයි—ඔබේ පරිගණකයෙහි වේගය අනුව, ඒ සඳහා සාමාන්‍යයෙන් තත්පර 30ක් හෝ ඊට වඩා වැඩි කාලයක් ගත වෙයි.

වසා දැමිය යුත්තේ කුමන අවස්ථාවේ ද

ඔබේ පරිගණකය සැතපීමට සැලැස්වීම එය නිවා දැමීමට ඇති වේගවත්ම ක්‍රමය වුවද, සහ කාර්යන් ඉක්මනින් යළි ඇරඹීමට ඇති හොඳම විකල්පය වුවද, ඔබට පරිගණකය වසා දැමීමට සිදුවන අවස්ථා සමහරක් පවතී:

• ඔබේ පරිගණකයට—මතකය, තැටි ධාවකයක්, නාදපත, හෝ වීඩියෝ පතක් ස්ථාපනය කිරීම වැනි දෘඪාංග එක් කිරීමක් හෝ උත්ශ්‍රේණි කිරීමක් හෝ ඔබ සිදු කරමින් සිටියි. පරිගණකය වසා, ඉන්පසු උත්ශ්‍රේණි කිරීම දිගටම කරගෙන යාමට පෙර බලය සපයන මූලාශ්‍රයෙන් එය විසන්ධි කරන්න.
• ඔබේ පරිගණකයෙහි universal serial bus (USB) හෝ IEEE 1394 තොට හා සම්බන්ධවී නොමැති මුද්‍රකයක්, මොනිටරයක්, බාහිර ධාවකයක්, හෝ වෙනත් දෘඪාංග උපාංගයක් ඔබ එක් කරමින් සිටියි. උපාංගය සම්බන්ධ කිරීමට පෙර පරිගණකය වහන්න.

ඔබේ පරිගණකය වැසීමට, අගුළුලන්න බොත්තම ආසන්නයෙහි ඇති ඊතලය ක්ලික්කර, ඉන්පසු වහන්න තෝරන්න.

වහන්න යන විකල්පයට ප්‍රවේශවීමට 'අගුළුලන්න' බොත්තම ආසන්නයෙහි ඇති ඊතලය ක්ලික් කරන්න

සටහන

• USB රැහැනක් භාවිත කරන දෘඪාංග එක් කිරීමේදී, ඔබට පළමුවෙන් පරිගණකය නිවා දැමීම අවශ්‍ය නොවේ. නව උපාංග බොහෝමයක් USB රැහැන් භාවිත කරයි. USB රැහැනක් මෙසේ දිස්වෙයි:
  USB රැහැන

ජංගම පරිගණක පරිශීලකයන්: පියන වැසීම(laptop users)

ඔබට ජංගම පරිගණකයක් තිබේ නම්, ඔබේ පරිගණකය නිවා දැමීමටෙ වඩාත් පහසු ක්‍රමයක් පවතී: පියන වැසීම. ඔබේ පරිගණකය සැතපෙන්නේද, වසන්නේද, නැතහොත් වෙනත් බල සුරැකුම් තත්වයක් ඇතුල් වන්නේද යන්න ඔබට තෝරාගත හැකිය. ඔබේ ජංගම පරිගණකයෙහි පියන වැසූ විට සිදුවන දෙය වෙනස් කරන්න බලන්න.

ඔබ කැමති නම්, ඔබේ ජංගම පරිගණක ආවරණයෙහි ඇති බල සැපයුම් බොත්තම එබීමෙන්ද ඔබට එය නිවා දැමීමට හැකිය. ජංගම පරිගණකයක බල සැපයුම් බොත්තමෙහි ක්‍රියාව වෙනස් කරන්න බලන්න.